Stefanovic të enjten në PrishtinëPrishtinë, 10 maj 2011 (MIA) - Shefi i delegacionit serb në bisedimet me Prishtinën, Borko Stefanovic, do të vizitojë të enjten Kosovën, ku do të takohet me zyrtarët e lartë kosovarë, ka thënë për AFP-në një burim zyrtar në Beograd.
Sipas këtij burimi të cituar nga mediat kosovare, Stefanovic do të qëndrojë në Prishtinë, ku do të takojë homologen e tij nga bisedimet, zëvendëskryeministren Edita Tahiri dhe udhëheqësit e Kosovës, si dhe përfaqësuesit e pakicës serbe.
Vizita është pjesë e përgatitjeve për raundin e katër të bisedimeve Prishtinë-Beograd që pritet të mbahen nga mesi i këtij muaji në Bruksel.
|