 |
IDIVIDI Fjalorë
|
|
|
|
| Powered by MagnumPRO |
|
|
|
 |
Shqip / Botë
Rritet çmimi i naftës në bursat botërore
 Singapor, 16 (MIA) - Nafta është shtrenjtuar sot në bursat aziatike, si rezultat i zvogëlimit të rezervave globale të energjensit dhe tregtimet spekulative të dilerëve.
Nafta e lehtë amerikane për dërgesë në qershor është shtrenjtuar për 93 cent në 125.05 dollarë për një barel, që është çmim pothuajse për dy dollarë më i ulët nga ai rekord prej 125,98 dollarëve për një barel të realizuar nga dita e martë.
Çmimi i brentit evropian nga Deti Verior për dërgesë në korrik u rrit për 62 cent në 123,25 dollarë për një barel. Mbrëmë në mbylljen e Bursës në Londër, kjo naftë, por për dërgesë të qershorit, është shitur për 122,77 dollarë për një barel.
Sipas analisitit energjetikë të agjencisë konsultuese "Parvin dhe Gerc", Viktor Shum, vazhdon tendenca e rritjes së çmimeve të naftës, në kushte të mangësisë në tregun global të naftës.
"Kërkesa e naftës tregon tendenca të zvogëlimit, por nuk ka informacione nëse kjo do të thotë se rezervat e naftës janë rritur", thekson Shum, duke shtuar se Organizata e shteteve eksportuese të naftës (OPEK) edhe më tej refuzon ta rrisë prodhimin e saj ditor të energjensit.
Sipas tij, tregu i naftës është nën ndikim edhe të tregtimeve spekulative nga ana e dilerëve, të cilët blejnë naftë kur çmimi i saj do të zvogëlohet.
Sipas Shumit, në rritjen e sotme të çmimit të naftës ka ndikim edhe shpërthimi i djeshëm i një naftëpërçuesi në Nigeri, me ç'rast humbën jetën rreth njëqind vetë.
Shum konsideron se në treg ekziston tendencë për mirëmbajtje të naftës mbi 120 dollarë për një barel, por tendencë që të mos lejohet rritja e saj mbi 130 dollarë.
"Në periudhën e fundit (nafta) do të shitet në kuadër mes 120 dhe 130 dollarë", vlerëson Shum.
|
|
|
|
|
![]() |
|
Пребарување
|
|
|
|
|
|
|
WEBmail |
|
|
|
|
|
|