 |
IDIVIDI Fjalorë
|
|
|
|
| Powered by MagnumPRO |
|
|
|
 |
Shqip / Botë
Barak Obama zyrtarisht e pranoi nominimin për kandidat presidencial
 Denver, 29 gusht (MIA) - Senatori nga Ilionsi Barak Obama mbrëmë zyrtarisht e pranoi nominimin për kandidat presidencial të Partisë Demokratike në zgjedhjet e nëntorit në SHBA.
"Me falemderim të thellë e pranoj nominimin", tha Obama në kuadër të fjalimit të tij 45-minutash para 75.000 ithtarëve të tubuar në stadiumin sportiv në Denver, Kolorado, në bazë të vendimit të djeshëm të pjesëmarësve në konvetën zgjedhore të demokratëve për nominimin e tij.
Ai theksoi se është bartës i ndryshimeve, nga të cilat Amerika ka nevojë. Obama i bindi ithtarët e vet se zgjedhja e tij është garancë për plotësimin e premtimeve në të cilën Ameriaka ua ka borxh qytetarëve të vet.
Obama e përshkruajti situatën e krizës në të cilën ndodhet vendi dhe e theksoi rëndësinë e zgjedhjeve të ardhshme për tejkalimin e saj.
Obama e theksoi jokompetencën e administratës së Bushit dhe udhëheqjen e tij të papërgjegjshme si shkak kryesor për situatën e tanishme të klasës së mesme dhe theksoi se Mekkejni nuk propozon alternativë të kursit të deritanishëm, por, sipas tij, vazhdim i "politikës humbëse" për vendin.
Paraprakisht, në ditën e tretë të konventës, kundërshtari i deridjeshëm i Obamës, Hilari Klinton, u propozoi pjesëmarësve që menjëherë ta pranojnë nominimin me aklamacion, madje edhe para përfundimit të prononcimit ceremonial të demokratëve prej çdo shteti federal.
Në këtë mënyrë, Obama u bë afro-amerikani i parë në historinë e SHBA-së, në të cilën një parti e madhe e propozioi për kandidat të vet për president. Ai në zgjedhjet presidenciale më 4 nëntor do të ballafaqohet me kundërshtarin e tij kandidatin republikan Xhon Mekkejn.
|
|
|
|
|
|
|
Пребарување
|
|
|
|
|
|
|