Xhakartë, 3 shtator (MIA) - Të paktën 44 persona kanë humbur jetën në tërmetin me intensitet prej 7,3 ballësh sipas shkallës së Rihterit, i cili dje e ka goditur ishullin indonezian, Java.
Dymbëdhjetë persona kanë humbur jetën nga rrëshqitja e tokës, e cila ka shkaktuar dridhje të fuqishme.
Rreth 20 persona humbën jetën në kryeqytetin e Indonezisë, Xhakartë, ku tërmeti ka shkaktuar dëme materiale në disa ndërtesa.
Dhjetra persona janë plagosur në tërmet.
Dëme serioze materiale janë shkaktuar edhe në më shumë se 1.000 shtëpi dhe ndërtesa të tjera, dhe 5.000 persona janë detyruar t'i braktisin shtëpitë e tyre.
Në tërmetin me intensitet prej 7,7 ballësh, i cili në vitin 2006 e goditi Javën, humbën jetën 600 persona, kurse dhjetra mijë të tjerë mbetën pa strehim.