Gjenevë, 7 shtator (MIA) - Numri i të vdekurve në botë nga gripi A (H1N1) është zmadhuar në 3.300, kumtoi Organizata botërore e shëndetësisë. Deri më tani në botë 270.812 njerëz u sëmurën nga gripi i ri.
Sipas OBSH-së, numri i të sëmurëve nga ky grip sigurisht është më i madh pasi që Organizata ka pushuar së grumbulluari të dhënat nga shtetet për raste individuale.
OBSH më 11 qershor shpalli pandemi pas zgjerimit të shpejtë të virusit të gripit të ri. Ekspertët e kësaj agjencie të KB-së vlerësojnë se me virusin do të infektohen së paku dy miliardë njerëz apo pothuajse një e treta nga numri i përgjithshëm i njerëzve në botë.