Në tërmetin në Haiti jetën e kanë humbur 45 deri 50 mijë persona, njoftoi Kryqi i KuqPort-o-Prens, 14 janar (MIA) - Numri i vitimave gjatë tërmetit të pardjeshëm në Haiti është midis 45 dhe 50 mijë, njoftoi sot një përfaqësues i degës lokale të Komitetit ndërkombëtar të Kryqit të Kuq në Port-o-Prens.
Sipas tij, nga tërmeti rreth tre milionë persona kanë marrë lëndime ose kanë mbetur pa shtëpitë e tyre.
"Askush nuk e din me saktësi dhe askush nuk mund ta konfirmojë numrin e saktë të viktimave", theksoi përfaqësuesi i Kryqit të Kuq.
Sekretarja amerikane e Shtetit Hilari Klinton paraprakisht deklaroi se gjatë tërmetit jetën e kanë humbur dhjetëra mijë njerëz, si dhe se dhjetëra mijë ndërtesa janë rënuar.
Ajo theksoi se SHBA-ja do të bashkëpunojë me autoritetet e Haitit që t'i ndihmojnë mijëra të pësuarëve. Klinton theksoi se Uashingtoni planifikon aftagjatë ta ndihmojnë këtë shtet karib.
Kryeministri i Haitit, Zhan-Mari Berliv dje deklaroi se bilanci përfundimtar i viktimave nga tërmeti mund ta tejkalojë numrin prej njëqind mijë.
Mijëra persona natën e kaluar, tashmë nata e dytë me radhë, e kaluan në rrugë, ndërsa ekipet e shpëtimit pa ndërprerje punojnë në nxjerrjen e të ngujuarve nga nën gërmadhat.
Haitin të martën në mbrëmje e goditi tërmet i fuqishëm me intensitet prej shtatë ballëve sipas shkallës së Rihterit. Epiqendra e tërmetit ishte në rreth 10 kilometra nga kryeqyteti i Haitit, Port-o-Prens.
Disa minuta pas tërmetit të parë, janë regjistruar edhe dy tërmete tjera me intensitet prej 5,9 dhe 5,7 ballëve sipas Rihterit.
|