Ministra dhe politikanë mes të vdekurve në tërmetin në Haiti

Berlin, 15 janar (MIA) - Në mesin e viktimave nga tërmeti në Haiti ka anëtarë të Qeverisë dhe politikanë, deklaroi ambasadori i Haitit në Gjermani, Zhan-Rober Sazhe.

Mes të vdekurve janë ministri i Drejtësisë, Pol Deni dhe politikani opozitar Mishel Gajar.

Konferencë ndërkombëtare për rindërtimin e Haitit mund të mbahet në mars, deklaroi sot shefi i diplomacisë  franceze Bernar Kushner.

Presidenti i Francës, Nikolla Sarkozi propozoi dje konvokim të konferencës për Haitin dhe mbrëmë për këtë ka biseduar me presidentin amerikan Barak Obama.

Sarkozi paralajmëroi se në javët ardhshme do ta vizitojë Haitin ku sipas vlerësimeve të Kryqit të Kuq në tërmetin më të fuqishëm në 200 vitet e kaluara, kanë humbur jetën 45.000 dhe 50.000 njerëzve, ndërsa tre milionë janë lënduar ose kanë mbetur pa shtëpi. Në lëkundje sipas raporteve të deritanishme kanë vdekur edhe gjashtë shtetas francezë.