Anija libiane e vazhdoi rrugën drejt Gazës, sipas fondacionit "Gadafi"

Tripoli, 14 korrik 2010 (MIA) - Anija libiane nën flamurin moldav "Amaltea", e cila bartë ndihma humanitare për Rripin e Gazës, e vazhdoi sot në mëngjes rrugën drejt territorit palestinez, pasi që ishte detyruar të ndalojë për shkak të defektit, kumtoi fondacioni "Gadafi", me të cilin udhëheqe Saif al-Islam Gadafi, djali i liderit libian, Muamer el-Gadafi.

Një përfaqësues i autoriteteve izraelite paraprakisht deklaroi se anija e kishte ndërruar kursin drejt Egjiptit, siç kërkonte Izraeli.

"Anija ngarkuese e vazhdoi rrugën për në Gazë, edhe pse vështirë. Anijet ushtarake izraelite po tentojnë t'ia pengojnë rrugën dhe ta largojnë më larg brigjeve të Gazës", tha drejtori ekyekutiv i fiondacionit, Jusef Sauan.

Sipas tij, "Amaltea" është tre orë larg enlavës palestineze. "Izraelitët na dhanë zgjedhje: të kthehemi apo të shkojmë në portin egjiptian El Arish. Në rastin e kundërt, ata kërcënojnë se do të përdorin foqrcën dhe ta shoqërojnë anijen drejt portit izraelit Ashdod", sqaroi Sauan.

Paraprakisht, fondacioni kumtoi se natën e kaluar, anije ushtarake izraelite e rrethuan anijen, që ishte demantuar nga ushtria izraelite.

"Amaltea" lundroi nga Greqia nën flamurin moldav me ekuipazh 12-anëtarësh dhe pesëbëdhjetë persona - libianë, një nigerian, një algjerian dhe një maroken.

Ndihma e re është nisur për popullatën e Gazës tashmë më shumë se një muaj pas sulmit izraelit ndaj karvanit prej gjashtë anijeve, me 10.000 tonë ndihmë humanitare për palestinezët, të cilat lundruan nga Turqia.