Anija me ndihmë humanitare për Rripin e Gazës arriti në portin egjiptian Al ArishKajro, 15 korrik 2010 (MIA) - Anija "Amaltej", e cila lundron nën flamurin moldav, e angazhuar nga Libia për dërgimin e ndihmës humanitare për Rripin e Gazës, sot mori leje që të hyjë në portin egjiptian, Al Arish.
Anija ka arritur deri në Al Arish mbrëmë vonë, por natën e ka kaluar në afërsi të portit, sepse ka pritur leje për qëndrim nga porositësi libian, kumtuan mediat egjiptiane.
Përfaqësuesit e Ambasadës libiane në Kajro kanë arritur në portin Al Arish me qëllim që t'i koordinojnë ngarkesën dhe transportin me ndihmë humanitare deri në Rripin e Gazës.
Në anije ka 2.000 tonë ushqim dhe ilaçe, të cilat do të shkarkohen dhe do të transportohen nëpër tokë. Ilaçet do të transportohen deri në Rripin e Gazës nëpërmjet vendkalimit kufitar Rafah, kurse ushqimi nëpërmjet dy vendkalimeve në kufirin ndërmjet Egjiptit dhe Gazës.
Anija është huazuar nga fondacioni libian "Gadafi", e udhëhequr nga djali i Moamer Gadafit, Seif al Islam. Në të, përveç ekuipazhit gjenden edhe nëntë aktivistë propalestinezë, mes të cilëve gjashtë libianë dhe nga një algjerian, maroken dhe nigerian.
|