Dita e dymbëdhjetë nga protestat në EgjiptKajro, 5 shkurt 2011 (MIA) - Demonstruesit kundër regjimit të Hosni Mubarakut në Egjipt hynë në ditën e 12-të, por ende nuk ka pothuajse asnjë të dhënë se konflikti mund të mbarojë së shpejti , si dhe kush prej atij mund të dalë si fitimtar - regjimi aktual apo milion njerëz.
Në sheshin Tahrir në Egjipt, vend ku mblidhen demonstruesit, natën e kaluar u dëgjuan të shtëna, por nuk ka informata për viktima. Sipas një demonstruesi, ushtarët kanë gjuajtur në ajër në shenjë paralajmërimi pasi që në vendet ku mlidhen ithtarët e Mubarakut janë dëgjuar të shtëna.
Agjencitë njoftojnë se prej 25 janarit kur filluan demonstratat në Egjipt, humbën jetën 109 persona, ndërsa mes tyre është edhe Ahmed Muhamed Ahmed raportues i një prej mediave shtetërore i cili javën e kaluar u qëllua me snajper derisa nga ballkoni i fotografonte përleshjet. Ai dje iu nënshtrua lëndimeve.
Kombet e Bashkuara vlerësojnë se në protestat kanë humbur jetën mbi 300 persona ndërsa të paktën 5.000 janë të lënduar.
Ndërkohë, ora policore në Kajro dhe në qytetet e tjera më të mëdha egjiptiane, që kryesisht deri tani nuk respektohej, është shkurtuar dje dhe vlen prej orës 19 deri në orën 6 të mëngjesit.
|