Tërmet i fuqishëm në ishujt Solomone

Uashington, 7 mars 2011 (MIA) - Një tërmet i fuqishëm me intensitet prej 6,6  ballëve sipas shkallës Rihter i goditi sot ishujt Solomone në Oqeanin Paqësor, kumtoi instituti amerikan i gjeofizikës. Nuk është lajmëruar rrezik nga cunami.

Tërmeti ndodhi në ora 9 sipas Griniçit rreth 133 kilometra në juglindje nga kryeqyteti i ishujve Solomone Honira, me thellësi prej 30 kilometrave, kumtoi Instituti.

Tani për tani nuk ka informata për viktima dhe dëme.

Në prill të vitit 2007 tërmet me intensitet prej tetë ballësh sipas shkallës Rihter shkaktoi vdekjen e mbi 50 personave, ndërsa me mijëra mbetën pa shtëpi. Më 29 shtator të vitit 2009 rajoni u godit nga një tërmet i fuqishëm i përcjellë me cunami, që shkaktoi vdekjen e 186 personave në Samoa dhe Tonga.