Tokio, 15 mars 2011 (MIA) - Dy persona janë shpëtuar nga rrënojat e tërmetit katastrofal, që më 11 mars e goditi Japoninë, vetëm një ditë pasi që shpëtuesit gjetën një foshnjë e cila e mbijetoi edhe tërmetin edhe cunamin, lajmëroi televizioni shtetëror NHK.
Shpëtuesit në Ishinomaki, në veri të Japonisë, dje ishin të shokuar pasi që, duke i kërkuar rrënojat pas tërmetit dhe cunamit që e shkatërruan qytetin, dëgjuan qarje të foshnjës. Vajza katërmuajshe është gjetur e pa lënduar në baltë, tre ditë pasi vala e madhe e ujit e kishte ndarë nga prindërit.
Shpëtuesit sot nxorën një grua 70-vjeçare në qytetin Ocuçi, në prefekturën Ivate. Gjendja shëndetësore e saj është stabile, por ajo vuan nga hipotermia dhe për atë është dërguar në spital.