Perandori japonez iu drejtua popullitTokio, 16 mars 2011 (MIA) - Perandori japonez Akihito e shprehu ngushëllimin e tij të thellë në situatën e centralit bërthamor "Fukushima 1", në drejtim të pazakontë televiziv ndaj popullit japonez.
Akihito shprehu ngushëllim deri te familjet e viktimave në tërmetin dhe cunamin prej 11 marsit dhe u bëri thirrje popullit japonez të mos dorëzohet.
"Thellë jam i brengosur nga situata në centralin bërthamor, për shkak se ajo është pa presedan. Shpresoj se me ndihmën e atyre, të cilët luftojnë për tu përballuar me të, gjërat nuk do t'u përkeqësohen", deklaroi perandori.
Akihito bëri thirrje të jetë i shpëtuar çdo jetë në zonën të cilën e goditi tërmeti dhe valët e cunamit.
"Lutem që puna e shpëtuesve shpejtë të përparojë dhe jeta e njerëzve së paku të përmirësohet", deklaroi ai.
Akihito kujtoi se evakuimi i popullatës po kryhet në kushte të vështira - ftohtë, borë, mungesë e ujit dhe të derivateve.
Perandori shprehu edhe falemenderim ndaj vendeve të huaja të cilët i ofruan ndihmë Japonisë.
|