Kina i bëri thirrje Japonisë të japë informatë të saktë dhe të shpejtë për reaktorët e saj bërthamor Pekin, 17 mars 2011 (MIA) - Qeveria kineze i bëri thirrje Japonisë të japë informatë të saktë dhe të shpejtë për gjendjen e reaktorëve të saj të dëmtuar bërthamor, deklaroi zëdhënësja e Ministrisë kineze të Punëve të Jashtme.
"Bota i kushton vëmendje të madhe rrjedhjes së radiacionit në Japoni dhe Japonia ndërmori masa urgjente që të përballet me të. Shpresojmë se Japonia me kohë dhe saktë do t'i kumtojë botës të gjitha hollësitë", deklaroi zëdhënësja.
Kina dhe vendet e tjera fqinje e shtuan ndjekjen e radiacionit të ri. Deri për momentin, nuk ka shenja për ngritje të jashtëzakonshme të radiacionit në Kinë, transmetuan mediumet britanike.
|