Kaçinski e humbi jetën në aksidentin e aeroplanit, konfirmuan autoritetet ruse

Moskë, 10 prill (MIA)- Presidenti polak Leh Kaçinski e humbi jetën në aksidentin e aeroplanit në afërsi të qytetit rus Smolensk, konfirmuan mediat ruse.

Guvernatori i rajonit rus Smolens, ndërkaq, deklaroi se në aksidentin e kanë humbur jetën të gjithë udhëtarët në aeroplan Tu-154. Në aeroplan ka pasur gjithsej 231 udhëtarë, në mesin e të cilëve edhe bashkëshortja e Kaçinskt.

Aeroplani,  i cili qarkullonte në relacionin Varshavë-Smolens është rrëzuar gjatë aterimit në aeroportin në qytetin perëndimor rus për shkak të mjegullës së dendur, deklaroi zëdhënësi i Ministrisë polake të Punëve të jashtme, Potor Pashkovski.

Në pistë ka pasur mjegull të dendur dhe supozohet se aeroplani ka goditur në dru, me ç'rast ka shpërtyer zjarr, i cili tashmë është shuar.

Një përfaqësues i Ministrisë ruse për Situata të Jashtëzakonshme paraprakisht deklaroi se aeroplani është rrëzuar 300 deri 400 metra nga pista e aeroportit ushtarak në Smolensk dhe se në aksidentin e kanë humbur jetën 87 persona.

Kaçinski dhe familjet e viktimave nga masakra në Katin sot duhej të marrin pjesë në ceremoninlë me të cilën shënohet 70 vjetori nga vrasja e 22 mijë oficerëve dhe intelektualëve polakë në vitin 1940 nga agjentët sovjetik në malin Katin, në afërsi të Smolenskit.