Kanë përfunduar analizat forenzike të viktimave nga fatkeqësia e aeroplanit në SmolenskMoskë, 12 prill (MIA) - Të gjitha analizat forenzike mbi trupat e personave të pajetë në fatkeqësinë e aeroplanëve në Smolensk kanë përfunduar, ndërsa identifikimi i viktimave do të mund të përfundojë gjatë dy-tri ditëve deklaroi sot ministrja ruse e Shëndetësisë dhe Zhvillimit Shoqëror, Tatjana Golikova.
Ajo theksoi se në Moskë dje kanë arritur 132 familjarë të viktimave të cilët do t'i identifikojnë personat e pajetë.
Në afërsi të Smolenskut rus të shtunën u rrëzua aeroplani me të cilin udhëtonte presidenti polak Leh Kaçinski dhe delegacioni shtetëror. Ata duhej të merrnin pjesë në komemoracionin e qindra oficerëve polakë të cilët rusët i kanë qëlluar në vitin 1940 në Pyllin e Katinit.
Në fatkeqësinë e aeroplanit humbën jetën 97 persona në mesin e të cilëve edhe guvernatori i Bankës qendrore të Polonisë, Sllavomir Skizhpek, shefi i Shtatmadhorisë së ushtrisë polake Françishek Gagor, zëvendës-ministri i Punëve të Jashmte Andzhej Kremer dhe funksionarë tjerë të lartë.
Në Poloni filloi zi shtatëditore, ndërsa sot është shpallur ditë zie në Rusi, Ukrainë dhe në Bashkimin Evropian.
|