Gjendet kutia e tretë e zezë nga aeroplani i rrëzuar polak në SmolenskMoskë, 13 prill (MIA) - Kutia e tretë e zezë nga aeroplani i rrëzuar presidencial polak në Rusi është gjetur dje në vendin e fatkeqësisë, kumtoi në Moskë udhëheqësja e Komitetit ndërqeveritar rus për aviacion, Tatjana Anodina, transmetojnë agjencitë.
Kutia e tretë e gjetur është e prodhimit polak dhe do t'i nënshtrohet analizës në Poloni.
"Është marrë vendim që të plotësohet lutja nga ana polake që regjistratori plotësues eksploativ, i prodhuar në Poloni, të analizohet në Poloni me pjesëmarrje të ekspertëve tanë", deklaroi Anodina.
Ananliza e dy kutive të para të zeza nga aeroplani do të përfundojë deri nga fundi i javës, kumtoi zëvendës-kryeministri Sergej Ivanov në seancën e komisionit qeveritar për hetime të fatkeqësive, ku marrin pjesë edhe ekspertë polakë.
"Tani bëhet sinhronizimi i treguesve të kutive të zeza në raport folës dhe parametrik dhe identifikimin e zërave dhe zhurmave në kabinë", precizoi Ivanov.
Analiza e parë e ka hedhur poshtë mundësinë që fatkeqësia të jetë shkaktuar nga zjarri ose shpërthimi në trupin e aeroplanit, shtoi zëvendës-kryeministri rus.
"Përjashtohet edhe varianti për probleme teknike të aeroplanit. Motorët e tij tërë kohën kanë punuar normal", kumtoi Tatjana Anodina.
Shefi i komisionit, kryeministri rus Vlladimir Putin kërkoi koordinim të mirë të punës me përfaqësuesit polakë, "që të arrihet rezultat sa më objektiv nga hetimet".
Autoritetet ruse vlerësojnë se pilotët polakë nuk i kanë respektuar instruksionet e kontrollorëve rusë të fluturimit, të cilët kanë rekomanduar që aeroplani të aterojë në një aeroport tjetër për shkak të motit të keq në Smolensk.
|