Të bëjnë të dukesh më e gjatë, më sensuale, më e bukur, por e gjithë kjo ka një çmim për t'u paguar.

Takat e larta, ndonjëherë shumë marramendëse, mund të provokojnë edhe dëmtime të mëdha në këmbët e zonjave.

Ky problem dalëngadalë po kthehet në një epidemi. Zbulimin e ka bërë një kërkues britanik, i cili ka analizuar rreth njëmijë vajza nga 15 vjeç e lartë.

Ai zbuloi edhe se si çdo vit në Britaninë e Madhe shpenzohen rreth 36 milionë euro, për ndërhyrje në këmbë, si për drejtimin e gishtave, heqjen e kallove dhe shërimin e thonjve të dëmtuar. Duke mbledhur shumën e të gjithë operacioneve për të sjellë këmbët në formën e duhur çdo vit harxhohen në total pra 36 milionë euro.

Me shpejtësi janë shtuar edhe operacionet për të bërë këmbët të duken më bukur edhe në një takë 20 centimetër.

Këshilla nga specialistët është në kundërshti me këto ekzagjerime, ata kërkojnë që këpucët më takë të lartë të alternohen shpeshherë me ato më të rehatshme, mundësisht atlete gjimnastike me gome të butë që të relaksojnë trupin.