 |
IDIVIDI Fjalorë
|
|
|
|
| Powered by MagnumPRO |
|
|
|
 |
Shqip / Maqedoni
|
|
Berisha në bisedën telefonike me Ahmetin dënon aktin e shëmtuar kriminal ndaj kryetarit të BDI-së
Tiranë, 15 maj (MIA) - Kryeministri i Shqipërisë Sali Berisha deklaroi sot se ka zhvilluar një bisedë telefonike me Kryetarin e Bashkimit Demokratik për Integrim të shqiptarëve të Maqedonisë, Ali Ahmeti, lidhur me atentatin ndaj tij para pak ditësh.
Siç njoftoi korrespondenti i MIA-s nga Tirana, Berisha në bisedën me Ahmetin, dënoi edhe një herë me ashpërsinë më të madhe aktin e shëmtuar kriminal ndaj kryetarit të BDI, duke i shprehur njëkohësisht te gjithë solidaritetin e tij dhe te qeverise shqiptare.
“Unë shpreh kënaqësinë që krimineli nuk arriti të realizojë qëllimin e tij ogurzi e po ashtu shpreh kënaqësinë për faktin që qeveria maqedonase arriti me shpejtësi të arrestojë autorin e këtij akti shumë të rëndë”, ka deklaruar Berisha.
Kryeministri shqiptar vlerësoi qëndrimin e matur dhe të ekuilibruar të Ahmetit ndaj këtij akti kriminal. Po ashtu, ai i bëri thirrje BDI-së, të gjithë forcave politike dhe qytetarëve shqiptare ne Maqedoni, të shmangin çdo akt dhune dhe t’i përkushtohen një procesi elektoral të qetë dhe civil në interes të paqes, stabilitetit dhe integrimit të vendit të tyre.
|
|
|
|
|
|
|
Пребарување
|
|
|
|
|
|
|