 |
IDIVIDI Fjalorë
|
|
|
|
| Powered by MagnumPRO |
|
|
|
 |
Shqip / Maqedoni
MASH: Transport falas për vitin e parë dhe lirim nga participimi për të gjithë nxënësit e shkollave të mesme
 Shkup, 4 shtator (MIA) - Të gjithë nxënësve të shkollave të mesme, të cilët kanë paguar participim në shkollat e mesme publike për vitin 2008/2009 dhe nxënësve të vitit të parë, të cilët kanë paguar participim për akomodim në shtëpitë e studentëve, mjetet do t'u kthehen, në pajtim me vendimin e Ministrisë së Arsimit dhe Shkencës t'i mbulojë shpenzimet. Nxënësit e regjistruar në vitin e parë të shkollimit të mesëm do të marrin edhe një autobus falas. Atë të drejtë do ta realizojnë nëse jetojnë më larg se 2,5 kilometra dhe me vërtetim nga shkollat e mesme publike, ku janë të regjistruar si nxënës të rregullt.
Deri më 15 shtator nxënësit me vërtetimet do të mund ta shfrytëzojnë transportin publik në tërë shtetin, kurse ndërkohë shkollat do t'i dorëzojnë listat deri në Ministrinë e Arsimit dhe Shkencës për t'i mbuluar shpenzimet për bileta te ndërmarrjet publike për transport. E tërë procedura pritet të mbarojë deri më 20 shtator. Nxënësit do t'i marrin biletat në shkollat dhe ato vlejnë nëntë muaj.
"Për arsimin e mesëm obligativ janë paraparë rreth 300 milionë denarë, të cilat mjaftojnë për implementimin e projektit", tha ministri i Arsimit dhe Shkencës, Pero Stojanovski në konferencën e sotme për shtyp.
Shtesë 250 milionë denarë janë siguruar për libra falas për nxënësit, familjet e të cilëve marrin ndihmë sociale.
|
|
|
|
|
|
|
Пребарување
|
|
|
|
|
|
|