 |
IDIVIDI Fjalorë
|
|
|
|
| Powered by MagnumPRO |
|
|
|
 |
Shqip / Maqedoni
|
|
Ambasadori i Maqedonisë në Beograd shpallet "persona non grata"
 Shkup/Beograd, 10 tetor (MIA) - Ambasadori i Republikës së Maqedonisë në Beograd, Aleksandar Vasilevski, është shpallur "persona non grata" dhe në afat sa më të shkurtë duhet ta braktisë Serbinë, konfirmoi MPJ-ja e Maqedonisë.
Vendimi i Qeverisë serbe që t'ia shkurtojë mikpritjen ambasadorit të Maqedonisë pas vendimit të Maqedonisë që ta njohë Kosovën, Vasilevskit i është kumtuar sot në MPJ-në e Serbisë.
Paraprakisht ambasadori serb në Shkup, Zoran Popoviq, zëvendës-shefit të diplomacisë së Maqedonisë Zoran Petrov ia dorëzoi notën protestuese, në të cilën kërkohet që Maqedonia ta shqyrtojë vendimin për njohjen e pavarësisë së Kosovës.
"Njohja është kundër rezolutës 1244 të KB-së dhe të drejtës ndërkombëtare, ndërsa Kosova është pjesë e pandarë e Serbisë", thuhet në notën protestuese.
Tani për tani nuk ka paralajmërime dhe informata se ambasadori serb Popoviq do të tërhiqet nga Maqedonia, e as se Beogradi do ta rishqyrtojë vendimin për përdorimin e emrit kushtetues të Republikës së Maqedonisë në komunikimin bilateral, e as për sanksione tjera eventuale.
|
|
|
|
|
|
|
Пребарување
|
|
|
|
|
|
|