Parlamenti Evropian rekomandoi heqjen e vizave nga 19 dhjetori

Bruksel, 12 nëntor (MIA) - Parlamenti Evropian sot miratoi rezolutë me të cilën rekomandohet heqje e vizave për Maqedoninë, Serbinë dhe Malin e Zi prej 19 dhjetorit në vend të 1 janarit 2010 siç propozoi Komisioni Evropian.

Në debatin që filloi mbrëmë vonë europarlamentarët treguan përkrahjen për stimulimin e barrierës së vizave për tre vendet, ndërsa eurokomisari për drejtësi Zhak Baro e vlerësoi këtë akt si "historik".

Raportuesja e Parlamentit evropian për liberalizimin e vizave, eurodeputetja sllovene Tanja Fajon shprehu kënaqësi për shkak të heqjes së afërt të vizave për tre vendet, qytetarët e të cilëve, siç theksoi, deri tani ishin izoluar dhe me të drejta më të kufizuara dhe liri të udhëtimit nga koha e ish-Jugosllavisë.

Rezoluta që e votoi sot Parlamenti Evropian nuk është e detyruar, por ka ndikim politik gjatë vendimmarrjes në BE.

Vendimi përfundimtar  për heqjen e barrierës së vizave për Maqedoninë, për Serbinë dhe për Malin e Zi ta marrin ministrat e punëve të brednshme dhe të drejtësisë të vendeve anëtare të BE-së më 30 nëntor.  Vendimi nuk merret me konsenzus por me shumicë kualifikuese, respektivisht duhet që të përhapet nga dy të tretat e vendeve anëtare të Unionit. Nëse miratohet, vendimi duhet që të publikohet në gazetën zyrtare të BE-së, ndërsa zakonisht në pajtim me procedurën juridike hyn në fuqi ditën e 20-të pas publikimit.

KE-ja më 15 korrik rekomandoi heqjen e barrierës së vizave për qytetarët e Maqedonisë, Serbisë dhe Malit të Zi. Me këtë, shtetasit e tre vendeve tashmë nuk do të duhet të kalojnë nëpër procedura afatgjatë për marrjen e vizave dhe do të mundet lirshëm të lëvizin në shtetet e Marrëveshjes së Shengenit. Vlerësohet edhe se udhëtimi i lehtësuar në BE dukshëm do të kontribuojë edhe drejt procesit të eurointegrimit të vendeve nga Ballkani.