Anulohet vizita e ministrit polak të Punëve të Jashtme Radosllav Shikorski në MaqedoniShkup, 14 prill (MIA) - Ministria e Punëve të Jashtme informoi se për shkak të aksidentit të aeroplanit në qytetin rus Smolensk në të cilin jetën e humbi presidenti i Polonisë Leh Kaçinski, anulohet vizita e shefit të diplomacisë polake Radosllav Shikorski në Republikën e Maqedonisë, të paraparë për më 19 prill.
Ministritë e punëve të jashtme të Maqedonisë dhe Polonisë qëndrojnë në komunikim të ndërsjellë për konfirmim të terminit për realizim të vizitës në periudhën e ardhshme.
Shefi i diplomacisë së Maqedonisë Antonio Milloshoski do të marrë pjesë në ceremoninë e varrimit në Poloni më 17 dhe 18 prill, si pjesë e delegacionit të Republikës së Maqedonisë që e kryeson presidenti Gjorge Ivanov.
|