.jpg)
Tifozët Grobari të Partizanit nuk do të kenë të drejtë të shpalosin banerë të tipit “Kosova është Serbi” gjatë ndeshjes kualifikuese për Ligën e Kampionëve që do të zhvillohet të mërkurën në Beograd.
Komisionerët e UEFA-s gjatë qëndrimit në Beograd kanë marrë vendim që të kontrollohet çdo i vetmi tifoz dhe të mos lejohet hyrja me banerë që ofendojnë politikisht dhe në mënyrë racore kundërshtarin.
Ndeshja do të jetë nën masa të larta të sigurisë, pasi përkundër ndalimit për të shkuar për ta përcjellë duelin, edhe Ballistët e Shkëndisë do të jenë të pranishëm në impiant, gjë që rrezikon tej mase sigurinë në këtë takim, i cili pos rezultatit në fushë, çon peshë edhe për nderin kombëtar.