Неодамна се објавија резултатите од истражувањето на една британска студија според која јадењето сладолед предизвикува чувство на среќа.

Научниците од институтот за психијатрија откриле дека сладоледот од ванила има многу брзо влијание на делот од мозокот кој реагира на убави вкусови.

Истражувањето било финансирано од компанија која произведува сладолед, па овие резултати го направиле производителот многу среќен.

Идните истражувања ќе настојуваат да одговорат на прашањето дали различните вкусови и текстурата предизвикуваат слична реакција.

Сладоледот најчесто предизвикува пријатни асоцијации врзани за детството, летување, сонце и забава. Меѓутоа, ова е прво истражување кое покажува дека само едно лажиче сладолед предизвикува реакција во зоната за среќа во мозокот.

(И.Ј)