Најновите истражувања покажуваат дека девојчињата кои страдаат од хиперактивно нарушување и не можат да се концентрираат, нарушување познато како ADHD (attention deficit hyperactivity disorder) почесто имаат проблеми со исхраната, се вели во студијата спроведена од Универзитетот во Вирџинија.

Истражувањето вклучило 140 девојчиња со ADHD и 88 девојчиња кои го немале ова нарушување.

“Девојчињата со ADHD се на поголем ризик да заболат од анорексија или гојазност кога ќе бидат адолесценти. Пред се заради тоа што импулсивното однесување кое е составен дел на ADHD ќе ги издвои од нивните соученици” – вели лидерот на студијата Амори Миками.

“Кога ќе остарат импулсивноста нема да им дозволи да задржат одредено темпо во исхраната, и тоа би резултирало со хронично изгладнување или прејадување” – додава тој.

Според оваа студија, нарушувањето (ADHD) е најчесто предизвикано од непознати генетски фактори, но и од родители кои премногу го критикуваат детето додека е мало.

ADHD ги погодува 5% од дечињата во претшколска возраст.

(И.Ј)