Исхраната која е богата со витамини, но и со неопходните минерали може да го намали холестеролот, зајакне имунитетот, забрза зараснувањето на раните, но и да ја зголеми плодноста кај мажите. Минералите се особено важни за организмот. Неопходни се за создавање на крвта и на коските, за зачувување на нервниот, еднокриниот систем и мускулите, како и за крвните садови. Недостатокот на било кој од овие минерали, на пример калиум може да предизвика проблеми во работата на срцето. Најдобар извор на калиум е рибата, зеленчукот и овошјето.

ФЛУОРИД

Флуоридот е облик на флуор кој е неопходен за коските. Помага при создавање на цврста и отпорна забна глеѓ и значајно ја зголемува цврстината и трајноста на коските. Флуоридот го има во водата од чешма, чајот, желатинот и во морската риба

НАТРИУМ

Сите телесни течности како што се крвта, солзите, потта содржат натриум. Но со калиумот и хлоридот се помага за правилно распоредување на течноста, за контролирање на стегањето на мускулите, а важен е и за работата на нервите. Негов извор се солените намирници и соја сосот.

ЈОД

Одговорен е за правилен развој и работа на штитната жлезда. Недостатокот на јод може да доведе до зголемување на штитната жлезда. Најдобар извор на овој минерал е јодираната сол, но добри извори се и јогуртот и морската трева.

МАГНЕЗИУМ

Важен е за здравото функционирање на нервите и мускулите, вклучувајќи го и срцето. Од витална важност е за правилниот раст на коските. Добар извор на магнезиум се житарките, мешункастите растенија, семките и зелениот зеленчук, производите од соја, лешниците, оревите и минералната вода.

КАЛЦИУМ

Дури 98 отсто од калциумот се наоѓа во коските. Остатокот е во крвта и учествува во метаболичните функции. Калиумот исто така има важна улога во контрола на нервните рецептори и на мускулната контракција. Го наоѓаме во млечните производи и рибата.

ЦИНК

Помага во одржувањето на здравиот имунитет. Важен е за здравјето на репродуктивните, особено машките, органи. Се наоѓа во месото, рибата, грашокот, семките од тиква, печурките и пивскиот квасец.

(Д.Т)