Храната богата со какао може да го намали крвниот притисок, додека чајот го нема тоа својство, тврдат експертите од универзитетската болница во Келн.

На лицата кои страдаат од зголемен крвен притисок им се препорачува повеќе да јадат овошје и зеленчук бидејќи во нив има полифенол или флавоноид кои пак придонесуваат за нормализација на притисокот и го намалуваат ризикот од кардиоваскуларни болести.

Во западните земји полифенол најмногу се внесува преку чајот и какаото, а сепак овие намирници не се внесени во препораката за исхрана за болните од срце, истакнува германскиот научен тим, предводен од доктор Дирк Тојбер.
Експертите од Келн анализирале 10 истражувања, од кои пет се однесувале на влијанието на какаото, а пет на влијанието на чајот врз крвниот притисок. Со студиите кои се однесувале на какаото биле опфатени 173 испитаници, од кои 34 биле со хипертензија.

Во четири од пет студии е констатирано намалувањето на систолниот (горен) и дијастолниот (долен) притисок кај лицата кои консумираат какао.

Систолниот притисок кај тие пациенти бил за 4,7 милиментри на пониско ниво на живиниот столб, додека дијастолниот во просек за 2,8 милиметри.

Таквиот ефект може да се спореди со оној што се постигнува со медикаментите против хипертензија, велат германските научници. Ваквото намалување на притисокот придонесува за околу 20 отсто да се намали ризикот од шлог, за 10 отсто ризикот од коронарни болести и за осум отсто од смрт од било која причина.

Од друга страна, ниту едно од петте истражувања кои се однесувале на влијанието на чајот не покажало дека напивката има никакво влијание врз хипертензијата. Според германските истражувачи причината за се наоѓа во разликата на видот на растителниот фенол што го содржи чајот и какаото.

(Д.Т)