IDIVIDI

четврток, 12.06.2008

IDIVIDI Мени

Здравје / Исхрана

Тестенини - за здраво срце , за бистар ум

За здраво срце е потребна храна полна со тестенини, салати, овошје и зеленчук, маслиново масло и лук. Истражувањата покажуваат дека кај луѓето што вака се хранат ризикот за коронарно заболување е намален за 75%. Тестенините немаат масти. Маслиновото масло содржи мононезаситени масти, кои го намалуваат холестеролот во крвта, а со тоа ја намалуваат можноста за артериосклероза. Ова масло е богато и со витамин Е, кој ја спречува појавата на наслагите на ѕидовите на артериите. Рибиното масло го штити крвниот систем со помош на омега 3 масните киселини. Овошјето и зеленчукот, особено зелените, обезбедуваат аминокиселини на витаминот Ц и Е и бетакаротинот.

Силата на умот расте со помош на полинезаситени масни киселини како што е омега 3 во рибиното масло, кое важи и за најдобра храна за мозокот. Во едно истражување е докажано дека бебињата што се хранат со млеко во кое има додаток на омега 3 масни киселини, имаат зголемен коефициент на интелигенција на седумгодишна возраст. Менталната будност може да се зголеми и со калциумот, кој го има во лимоните, пороткалите, сончогледот, бананите и компирите, во јајцата, сојата, сирењето и бадемите. Добрата комбинација на овошје и зеленчук во исхраната ја подобрува циркулацијата на крвта, а со тоа до мозокот пристигнува и поголемо количество кислород.

За долговечноста е потребно во исхраната овошјето и зеленчукот да бидат присутни петпати дневно. Тие содржат антиоксиданси, витамин А, Ц, и Е, како и селен, а сево ова штити од дегенеративни процеси како што се срцевите заболувања, ракот и дијабетисот. Сите истражувања покажуваат дека нискокалоричната и хранлива исхрана го продолжува животниот век. Од друга страна пак, протеинската исхрана го скратува животниот век.

За вито тело треба да се применуваат диети базирани на житарки, овошје и зеленчук, а не на заситени масти и засладена храна. Јаглените хидрати побрзо гојат отколку мастите. Но, диетата мора да се комбинира и со физичка активност и вежбање за да се постигнат саканите ефекти. Притоа се потребни повеќе протеини, со што се спречува трошењето на мускулите и повеќе јаглени хидрати, кои го намалуваат заморот и го забрзуваат метаболизмот, што пак, доведува до неутрализирање на вишокот масти.