Варењето е хемиски процес во кој храната се разложува на компонентите од кои црпиме енергија и хранливи материи. Тоа што ќе остане е вишок кој го исфрламе од телото. Дел од тие некорисни материи се гасови кои лесно се спроведуваат низ телото, благодарение на еластичноста на цревните канали. Но, понекогаш, голема количина на гасови кои се на база на сулфур предизвикуваат растегнување на црвените ѕидови поголемо од тоа што се нарекува нивна граница, поради што се создава непријатно чувство на отеченост. Причината за отекувањето е лошото варење кое создава повеќе гасови од вообичаеното, без разлика дали штотуку сме јаделе или тоа сме го направиле пред неколку часа.

Како да се справите со тоа?

Доволно е да ги промените навиките на исхрана, тврди докторката Венди Денинг.

Според Денинг, некои луѓе се генетски предодредени да се склони кон „надувување“, кое е последица на таложење на преголема количина на гасови во цревата, најчесто етанол. Причината за ваквата појава Денинг ја гледа во должината на цревата, Луѓето со подолги црвеа имаат поголеми изгледи за нивно затнување со гасови. Поради поголемата должина на цревата, токсичниот отпад кој настанува во текот на варењето подолго се задржува, а тоа пак на бактериите им дава повеќе време за да ги произведат гасовите.

Доколку сметате дека пречесто имате проблеми со надувување, обидете се  подобро да ја соџвакате храната, наместо да ја голтнете и да создадете воздушни џебови. Ова не само што ќе помогне за подобро варење, туку ќе придонесе за поголемо производство на плунка која уште во устата започнува да ја разградува храната и им праќа сигнали на ензимите за варење да станат активни. Земајте помали залаци. Доколку откинувате поголеми парчиња, постои голема веројатност со храната да вцицате и воздух во желудникот и цревата. Не се прејадувајте. Обрнете внимание која храна ви одговара, а која не и отстранете ја од менито. Млекото и млечните производи честопати знаат да направат проблем при варањето.

Земете цинк – овој минерал го има особено во бадемите, мисиркиното месо и во кајсиите. Недостатокот на цинк во организмот придонесува за намалување на квалитетот на варење. Пијте јогурт – здравите бактерии ќе ви помогнат многу. Избегнувате ги газираните пијалаци, соковите и избегнувајте да пиете додека јадете. Исфрлете ги од менито намирниците кои предизвикуваат отекување на стомакот, како што се алкохолот, кафето, масната и зачинетата храна. Јадете  најмалку три часа пред спиење. Избегнувајте премногу ладни и врели јадења. Пијте доволно вода. Вежбајте.

Други причинители

Понекогаш причина за отеченост може да биде и женската орална контрацепција: хормоните може да придонесат за задржување на течноста во организмот. Затоа избегнувајте ги солените јадења и посоветувајте се со гинеколог. Одредени апчиња имаат диуретичко својство, па со самото тоа ја намалуваат отеченоста.

Се случува причина за отекувањето да не биде начинот на живеење и навиките, туку телото кое создава вишок на киселини за варење, отколку вообичаеното, да тоа може да доведе до отечување, а подоцна и до гастритис. Отечениот стомак може да е резултат и на инфекција, која ја создава Helicobacter Pylori, бактерија која понекогаш се наоѓа длабоко во стомакот, Оваа инфекција бара лекарска помош и лечење со антибиотици. Третата причина за оваа појава се годините. Колку што повеќе старееме, толку повеќе опаѓа толеранцијата кон одредени намирници, бидејќи на секои десет години панкреасот ја намалува количината на излачени ензими за варење.