|
 |
Здравје / Исхрана
Соковите од зеленчук поздрави од овошните
Безалкохолни освежителни пијалаци, од типот на лимонадата и соковите се најомилени кај луѓето, но научно е докажано дека тие може да бидат и штетни за организмот. Тие содржат голема количина на природен шеќер, а не ретко и се засладуваат, поради што претставуваат вистинска калориска бомба. Затоа виенскиот професор Хадемар Банкхофер препорачува да се пијат соковите од зеленчук.
Наспроти овошните сокови, овие направени од зеленчук помагаат при слабеењето, речиси и да не содржат шеќери во себе, а богати се со биоактивни материи, кој најчесто ја диктираат бојата на зеленчукот.
На пример, бојата на морковот или на пиперката има лековита моќ, вели Банкхофер. Меѓу соковите од зеленчук вистински фаворит е оној од морков. Тој е класичен лиферант на природен бета-каротен, кој во организмот се преработува во витамин А и им помага на очите, дишните патишта, на кожата и дава сила да се бори против сонцето, а помага и при избелување на старечките флеки.
Доколку во сокот од морков ставите неколку капки маслиново масло ќе помогнете на организмот подобро да го апсорбира витаминот што ја разградува маста.
Банкхофер препорачува и сок од домат. Црвениот пигмент во доматот, ликопин, е особено важен за срцето и крвотокот, а исто така штити и од рак. Според виенскиот професор, здраво е да се пие и расол, бидејќи тој придонесува за подобрување на варењето, а воедно на организмот му дава голема количина на витамин Ц. Бактеријата на млечната киселина ја создава цревната флора, помага да останеме здрави. Доколку не сте знаеле 70 отсто од имунитетот се создава во цревата. Сокот од цвекло исто така е здрав, а се препорачува да се пие во комбинација со портокал.
Професорот Банкхофер советува овошните сокови да не се пијат чисти, туку задолжително да се разблажуваат со вода.
(Д.Т)
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|