Сара Добин, нутриционист и автор на книгата "Диета за плодност", вели дека со неконсумирање на алкохол и шеќер, и со јадење на органска храна, жените можат да го сопрат биолошкиот часовник, а со тоа да си ги зголемат шансите да  родат.

"Луѓето трошат многу пари на медицински третмани за зачнување, а при тоа не знаат дека алкохолот и кофеинот се течни контрацепциони средства. Како што шеќерот може да ја спречи овулацијата така и некој вид храна како на пример грашокот и сојата ја намалуваат плодноста," вели Добин.

На оние кои сакаат да забременат по природен пат, како и оние кои се подложиле на ин витро оплодување, Добин им советува да престанат со пушењето, да не користат засладувачи, алкохол, кофеин и соја во првиот месец од бременоста. Во вториот месец не треба да се јаде многу месо и млечни производи, како и благи работи, додека во третиот месец таа вели дека консумирањето на јајца и овошни сокови треба да се редуцира.

Внесувањето на зрнеста храна, грав, лешници, ореви и употребата на лековити билки е неограничена уште од почетокот на бременоста. Исто така се препорачува да се одржува нормалната тежина, спиењето да биде редовно и да се намали стресот.

(Т.Ј)