Рибите како што се туната, лососот, скуша, харинга и сардина, содржат омега 3 масни киселини, а од другите видови храна вакви масти содржат оревите. Тие имаат ефект против воспаленија и се поврзани со помал ризик од срцеви болести.

"Претходните истражувања покажале дека рибата и рибиното масло помагаат во спречување на срцев напад кај постарите луѓе, но со ова испитување се гледаат ефектите од омега 3 мастите врз зачувување на меморијата," вели Виртанен.

Тимот од Финска, направи едно испитување на 3660 луѓе над 65-годишна возраст, каде им беше направено скенирање на мозокот, за испитување на ризикот од губење на меморија или инфаркт.

Истражувачите откриле дека оние мажи и жени кои консумирале риби богати со масти, три или повеќе пати неделно, имале приближно 26% помал ризик од постепено губење на памтењето.

Кај оние кои имале само еден оброк неделно од риба, ризикот бил 13%, додека оние кои држеле диети каде немало никаков вид на риба во оброците, имале највисок ризик.

Овие резултати не биле исти и за оние кои консумирале пржена риба, бидејќи вака подготвена ги нема истите ефекти како печената риба, каде се задржани хранливите состојки.

(Т.Ј)