Додека повеќето од нас пијат млеко од крава, многу луѓе од Раџастан, Индија преферираат да пијат млеко од камила. Покрај тоа што е здраво, може да помогне за спречување на импотенцијата.

Потрошувачите кои немале можност да го набават ова млеко во урбаните средини сега го немаат тој проблем Од неодамна во маркетите во Раџастан, се пушти во продажба млеко од камила во тетрапак. Покрај тоа што е богато со хранливи состојки, ова млеко е корисно за дијабетичарите, ако се зема правилно и редовно.

Според Федералната асоцијација за млечна индустрија на Индија, овој производ е многу баран во Делхи. На потрошувачите им се допаѓа вкусот, а и цената од пола американски долар за еден литар млеко.

Постарите луѓе од руралните подрачја од Раџастан, велат дека со пиење на ова млеко се чувствуваат повитални, и дека без разлика на возраста, се уште се потентни.

Тоа е затоа што на камилите им се дава сточна храна која содржи најразлични состојки што го збогатуваат вкусот и квалитетот на млекото.

Пронајдени се шест типа на масни киселини кои ги содржи млекото од камила. Меѓу нив е и ланолинската, која е корисна за контролирање на брчките и за подобрување на тонусот на кожата.

(Т.Ј)