|
 |
Здравје / Исхрана
|
|
Тинејџерките и неправилната исхрана
Многу од младите девојчиња, не внесуваат доволно хранливи материи во организмот, што ги доведува до ризик од прекумерна тежина и кардиоваскуларни болести како возрасни.
Периодот на адолесценција е многу важен дел од животот на една жена, бидејќи се менуваат потребите за исхрана, поради брзото растење и започнувањето на месечниот циклус. Меѓутоа, општо земено, тинејџерките не внесуваат доволно калциум, железо, цинк, магнезиум и витамини како А, Е и Б во исхраната, и јадат храна која содржи премногу заситени масти.
Кај девојчињата во Америка, на возраст од 12 до 19 години, во последните три декади, процентот на дебелина е зголемен од 5 на 17%. Истражувачите велат дека овие индивидуи имаат склоност кон дебелина и кога ќе пораснат. И не само тоа, туку кај нив е поголема веројатноста да се развијат некои кардиоваскуларни болести, дијабетис и висок крвен притисок.
Како што повеќе се дебелеат, така девојчињата бараат различни начини да ја намалат тежината. Една студија покажала дека повеќе од 60%, користеле различни апчиња, лаксативи, повраќале и прескокнувале оброци, со цел да ја контролираат тежината, но на тој начин само ги зголемиле шансите за дебелеење.
Многу од нив имаат погрешно мислење дека всушност калориите се тие кои предизвикуваат прекумерна тежина, и поради тоа не го внесуваат потребното количество од 2400 калории, кое дневно му е потребно на организмот. Нивната исхрана треба да содржи храна која е богата со омега 3 масни киелини, кои се изоставени во многу диети.
Исто за девојчињата кои се во процес на растење, многу е важно да внесуваат храна која што е здрава и содржи хранливи состојки, како и редовно да вежбаат, за да можат да постигнат добро обликувано тело.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|