|
 |
|
Здравје / Исхрана
|
|
Тиква - кралица на есента
Тиквата сосема оправдано се смета за кралица на есента. Слаткото месо со фина текстура крие огромно богатство на нутриции, а истовремено е сиромашно со калории, дури и кога се вари.
Тиквата е одличен извор на витамин А и одличен извор на важниот антиоксиданс, витаминот Ц. Заедно, витамините А и Ц соработуваат и го јакнат имунолошкиот систем. Тиквата особено е богата со витамини од групата Б, посебно витамин Б1, Б3, Б5, како и со фолна и пантотенска киселина. Витамините од групата Б се сметаат за „антистресни витамини“, бидејќи при недостиг на некој од овие витамини доаѓа до летаргија, анксиозност и депресија. Витамините од Б групата исто така имаат релаксирачко дејство, а познато е дека витамините Б се во директна спрега со развојот и зачувување на менталната функција на човекот.
Овој плод е драгоцен извор на минералот калиум, манган и бакар, како и на прехранбени влакна кои се неопходни за правилно функционирање на системот за варење. Од сите зеленчуци, тиквата е најдобар извор на алфа-линоленска киселина, на есенцијалните омега-3 масни киселини, кои го намалуваат ризикот од срцеви болести и крвни садови.
Интензивната портокалова и жолта боја на тиквата се должи на фитохемикалиите од групата на каротеноиди: алфа-каротен, бета-каротен, лутеин, зеаксантин и бета-криптоксантин. Освен за каротеноидите се заслужни и за лековитото дејство на тиквата. Делува како силен антиоксиданс, штитејќи го организмот од слободните радикали, истовремено овој плод ја подобрува работата на имунолошкиот систем, го штити здравјето на срцето, очите и белите дробови.
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|