Едно чиниче боровинки за појадок е одличен избор за одржување на концентрацијата во текот на целиот ден.
Истражувачите откриле дека оваа „суперхрана“, како што некои го нарекуваат ова овошје, ја подобрува концентрацијата и помнењето во следните пет часа.
Волонтерите кои наутро пиеле smoothie (свежо овошје и мраз смелено во блендер) од боровинки можеле многу подобро да извршуваат ментални задачи попладне отколку оние кои консумирале некое друго овошје.
Британските научници, кои дојдоа до ова откритие веруваат дека антиоксидансите во боровинките го подобруваат протокот на крвта и кислородот во мозокот, со што нашиот мозок се одржува свеж.
Тоа значи дека луѓето би можеле да користат smoothie од боровинка или некое друго овошје богато со антиоксиданси за да си ги зголемат шансите за успешно решавање тестови или полагање испити.
- Еден час по консумирањето smoothie не е забележана некоја разлика. Но, пет часа подоцна, ефикасноста на волонтерите кои не пиеле smoothie од боровинки паднала за 15 до 20 отсто, соопшти предводникот на истражувањето др. Џереми Спенсер од „Reading“ универзитетот
Боровинките се богати со витамин Ц и Е, а нутриционистите велат дека тие изобилуваат со антиоксиданси кои ги намалуваат изгледите за рак. Овој вид антиоксиданси може да се сретне и кај зелениот чај, виното, грозјето и какаото.