Лицата врз кои се извршени хируршки зафати на срцето се изложени на поголем ризик од смрт доколку при трансфузија примиле крв постара од две недели, покажуваат најновите научни истражувања.

Американските научници од клиниката во Кливленд наведуваат дека учесниците во студијата претставуваат репрезентативен примерок за сите приматели на трансфузија на крв, пишува магазинот „New England Journal of Medicine“.

Во истражувањето учествувале 6,000 лица со просечна возраст до 70 години. Во САД е дозволено резервите на крв за трансфузија да се чуваат најмногу шест недели.

Научниците се уште не можат да откријат зошто резервите на крв постари од две недели се ризични за лицата на кои им прави операција на срце, но сметаат дека причината за ваквата појава може да е намаленото ниво на хемикалијата која е клучна за пренесување на кислородот, како и бавниот проток на црвените крвни зрнца.

(Д:Т)