Австралијските научници веруваат дека е подобро високо агресивните облици на рак да се „успијат“, отколку да се нападнат со хемотерапија.

Истражувачите од Гарван институтот во Сиднеј велат дека генот наречен Id1 има клучна улога во развојот на некои облици на рак на дојка и со негова деактивација може да се сопре ширењето на туморот, па дури истиот и да се намали.

Експериментите спроведени врз животни покажале дека во 40 отсто од случаите со исклучување на генот Id1 може целосно да се излечат одредени облици на рак на дојка.

Резултатите објавени во стручниот магазин „Proceedings of the National Academy of Sciences“ сугерираат дека по ваквото „заспивање“ на туморот имунолошкиот состав има многу полесна задача при уништување на карциномот.

(Д.Т)