Состојбата на  здравјето може да се подобри со само 10 минути вежбање дневно.

Според американските истражувачи, секоја жена која вежба 10 минути дневно, значително го подобрува квалитетот на своето здравје- имаат повеќе енергија и изгледаат посреќно.

Ова истражување е меѓу првите истражувања направени на жени кои ја поминале фазата на менопаузата, кои се екстремно надвор од форма, но секако здрави, поради секојдневното вежбање.

Истражувањето покажало дека жените кои вежбаат од 10 до 30 минути дневно, имаат значителни подобрувања во кондицијата.

Истражувањето опфатило 430 жени, со помината менопауза, просечно на 57 години, кои припаѓале во една од трите групи: оние кои вежбаат по 70 минути неделно, со135 минути неделно и 190 минути неделно.

Четвртата група немала програм за вежбање и служела како контролна група.

На почетокот жените биле прашувани за здравствената состојба, за физичкото здравје, вклучувајќи болки и физички ограничувања и нивното ментално здравје, дали лесно подлежат на нервози, депресии, дали се смирени или среќни.

После шест месеци, дојдено е до заклучок дека жените кои спаѓале во највисоката група на вежби, покажале најголеми подобрувања на сите полиња од животот.

Дури и оние  во најниската група покажале значајни подобрувања на здравствената состојба, емоционалното здравје, виталноста и социјалното функционирање.

Жените во истражувањето просечно изгубиле меѓу 1.5 и 2,5 кг.

Овие промени во квалитетот на живеење не се водени од желбата за слабеење, туку од желбата за зголемување на активноста на телото.

(М.Ж)