Магазинот „Science“ наведува дека резултатите се добиени со примена на нова технологија на скенирање на гени која овозможува откривање на екстремно ретки и непознати мутации, кои можат да влијаат на функцијата на останатите гени.

Студијата докажала дека новооткриените мутации се три до четири пати почести кај лицата кои страдаат од шизофренија, велат научниците од Националниот институт за ментално здравје, од универзитетот од Вашингтон и од „Cold Spring Harbor“ лабораторијата.

Научниците наведуваат дека некои од 53-те откриени мутации се наследни, додека останатите се јавуваат спонтано, во моментот на зачнување.

Се очекува новото откритие да фрли ново светло на досега помалку познатите потешкотии во развојот на мозокот, како и помош во изнаоѓање на соодветна терапија. Според податоците на СЗО еден отсто од светската популација боледува од шизофренија.

(Д.Т)