Истражувањето, како што се наведува во написот во „New England Journal of Medicine“ е спроведено на три млади лица во детската болница во Филаделфија, кои страдаат од Леберова конгенитална амауроза (ACL). Истражувачите на пациентите им инјектирале копии од гени кои функционираат во задниот дел на окото, а неколку месеци подоцна се забележани и првите знаци на подобрување на видот.

Истражувачите забележале дека окото на болните кои биле лечени со генетската терапија било за трипати поосетливо на светлина во споредба со оние кои не бие подлегнати на третманот.

Иако видот на пациентите не им е вратен потполно, ова се први охрабрувачки резултати од примена на новата постапка за лекување на ACL, која веројатно би можела да се примени и кај други болести на мрежницата на окото.

До сега Леберова конгенитална амауроза се сметаше за неизлечлива болест која се манифестира со изумирање на рецепторите за светло во мрежницата на окото, што доведува до потполно слепило за 20 до 30 години.

(Д.Т)