Лекарите одамна знаат дека ваквото инјектирање на тату-пигменти може да предизвика алергиска реакција, а во 2004 година Американскиот институт за интрадермална козметика од Арилнгтон Тексас ги повлече од продажба своите производи за тетовирање „Premier pigments“ откако кај повеќе жени беа регистрирани повеќе негативни реакции.

Со цел да проверат колку може да трае непријатностите поврзани со трајната шминка, Масја Стретеманс и нејзините колеги од CDCP интервјуирале 92 жени кои после третманот со пигментско шминкање добиле алергија.

Повеќето од испрашаните жени изјавиле дека имале отоци и дека станале преосетливи на деловите каде била извршена интервенцијата, а честопати имале нагони за чешање. Таквата алергиска реакција траела од пет месеци до три години, а кај 68 отсто од испитаничките овие симптоми се уште биле присутни.

Според соопштението на одделението за козметика и бои при американската Управа за храна и лекови (FDA) ретки се извештаите за алергиски реакции на пигменти за тетовирање, но кога ќе дојде до ваква реакција може да настанат големи проблеми бидејќи тешко се отстрануваат.

Освен тоа, алергиската реакција може да се јави и по неколку години по третманот.

(Д.Т)