Антибиотиците не се првата и вистинска помош за инфекција на синуси, бидејќи нејзин причинител честопати се вирусите, а не бактериите, заклучиле швајцарските експерти од Универзитетската болница во Базел.

Лекарите честопати не прават разлика меѓу вирусен и бактериски облик на ова заболување, па неретко се случува да препишат антибиотици „за секој случај“. Во САД, секое трето лице со инфекција на дишниот тракт добива дијагноза за акутен риносинуситис.

На пациентите не треба да им се препишуваат антибиотици дури и кога се жалат на затнат нос, отечени синуси и главоболка која не минува ни по десет дена, тврди истражувачот Џим Јанг.

Истражувањето, направено на над 2.547 пациенти со симптоми на синуситис покажало дека секој шеснаесетти од нив бил лечен со антибиотици. Кај пациентите кои исфрлаа шлајм процентот бил уште поголем, секој деветти реагирал на антибиотици.

Според швајцарската студија „магичната“ граница за избор на третман е десет дена. Доколку тешките симптоми не исчезнуваат и по овој период, на пациентите треба да им се препише антибиотик

Така и пациентите кои инаку се здрави треба подобро да ги следат симптомите и да не посегнуваат по антибиотици во првите десет дена.

„Антибиотиците не помагаат при синуситис, а таквата терапија носи и дополнителни трошоци,  попратни ефекти и создавање на отпорност на тие лекови“, предупредува Јанг.

(Д.Т)