|
 |
Здравје / Медицина
Синдром на вознемирени нозе
 Една десетина од светската популација страда од таканаречениот „синдром на вознемирени нозе“ – невролошко нарушување кое го отежнува седењето или лежењето кое трае подолго време.
Тоа нарушување, кое го утврдиле американските невролози честопати се јавува во текот на ноќта, што го отежнува спиењето. Но, резултатите од две нови истражувања укажуваат дека корените на овој проблем треба да се барат во генетиката.
Колкумина од нас сакаат добро да спијат? Доколку честопати се будите или не спиете добро во текот на ноќта, причина за ваквата појава може да биде генетиката.
„Тешко е да бидете добро расположени, посебно кога не спиете добро“, вели Лин Кајзер, која страда од оваа нарушување.
Доктор Џон Вилкенман, директор на Центарот за истражување на сонот и сонувањето, при медицинскиот факултет во Бостон ги опишува најчестите симптоми.
„Зголемена неудобност и потреба во текот на ноќта да постојано се менуваа положбата на нозете“, вели Вилкенман.
Двете нови истражувања, спроведени во Исланд и во САД покажуваат дека овој проблем не е измислен, туку наследен со генетските варијации. Но, како гените влијаат врз одредени реакции во мозокот, се уште е непознато. Научниците исто така веруваат дека недостатокот на железо во организмот влијае на производството на допаминот, невротрансмитер во централниот нервен систем, со кој се контролираат движењата и осетливоста. Истражувачите се уверени дека откривањето на генетската поврзаност ќе може да помогне во изнаоѓање на ефикасен лек за болните.
Тоа би можело да биде добра вест за лицата како Кајзер кои сакаат, како што вели и самата „јас да го контролирам нарушувањето, а не тоa мене“.
|
|
|
|
|
![]() |
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|