Ладната, проточна вода и понатаму е најдобра прва помош за третирање на изгореници, тврди професорот Рој Кимбл, шеф на одделението за изгореници и трауматологија на клиничкиот ценатр во Бризбен.

„Се уште е нејасно поради што ладната вода има такво дејство врз изгорениците, но и понатаму е најдобар избор од алтернативните решенија кон кои луѓето често прибегнуваат. Водата ја намалува длабочината на изгореницата и остава помали лузни“, тврди Кимбл.

Неколку истражувања, кои се спроведени под негово водство покажале дека водата е многу поделотворна од другите алтернативни третмани кои може да се најдат на пазарот, како што е на пример алое вера или производите од чајно дрво.

„Во следните неколку години ќе се обидеме дополнително да утврдиме поради што проточната вода е толку важна, како и колку оптималното временски треба да се држат изгорениците под вода, но и колку време по настанување на изгореницата има смисла да ја ставиме под вода“, вели професорот.

(Д.Т)