Забниот инплант, без дилема е најдобра замена за изгубениот заб. Во виличната коска се вградува вештачки корен, завртка од титаниум, а потоа се надградува короната. Таквите заби во потполно се функционални како и природните.

Инплантите ја чуваат коскената маса во вилицата од пропаѓање, исто како и вистинскиот корен, врши притисок на коската и ја поттикнува да се обновува. Значајно е што при оваа процедура не мора да се брусат околните, честопати здрави заби, што се прави при ставање на мост.

Единствен недостаток на ова метода е долгата процедура, која може да трае и со месеци. Сепак ни цената не треба да се занемари, повеќекратно е поголема од класичните процедури.

Дали интервенцијата ќе биде изведена или не, зависи исклучиво од желбата и платежната моќ на пациентот. Со оглед дека станува збор за хируршки зафат, предуслов е доброто општо здравје на пациентот и здравјето на усната празнина.

Вградувањето на инплантите е успешно само доколку лицата имаат квалитетна вилична коска и здрави непца.

(Д.Т)