|
 |
Здравје / Медицина
Зачувајте го здравјето на работа
Воопшто не е лесно да се зачува здравјето на работно место. Со сета прашина околу вас, апарати кои штетно зрачат, клима уреди и болни колеги, едноставно ваквата мисија ви изгледа невозможна. Но, доколку обрнете повеќе внимание и внимавате можеби и не е тешко?!
1 – Често мијте ги рацете
Тоа значи секој пат кога нешто ставате в уста, пред пиење кафе, појадок, ручек...
2 – Работната маса мора да ви е чиста
Редовно чистете го телефонот, тастатурата и се друго што често употребувате. Дури и да сте единствениот корисник на тој предмет.
3 – Хранете се урамнотежено
Многумина имаат навика да го прескокнат појадокот, некои поради диета, некои затоа што им одзема многу време, но научно е докажано дека луѓето што редовно појадуваат се поздрави и работно поактивни.
4 – Избегнувајте ги болните колеги
Во повеќето случаи, доколку не станува збор за некоја посериозна болест, болниот колега ќе дојде на работа и покрај тоа што претставува ризик за останатите вработени. Обидете се да ги избегнете директните контакти со него.
5 – Внесувајте доволна количина на вода
Кафето можеби може да ви помогне при одржување на концентрацијата, но исто така придонесува за дехидрација на организмот. Не заборавајте да пиете вода.
6 – Правете редовни паузи
Веројатно мислите како никогаш не е добар момент за пауза, но можеби не сте знаеле дека работниците кои не ги користат одморите и паузите, почесто се разболуваат. Паузите го одржуваат вашето тело и ум во форма.
7 – Престанете да пушете
Пушењето е лошо за вашето здравје и го ослабува вашиот имунолошки систем, а никотинот од цигарите придонесува за зголемување на стресот.
(Д.Т)
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|