Педесет и двегодишниот пациент, чиј идентитет не се соопштува сметал дека неговиот живот е готов, откако ракот се проширил на белите дробови и лимфните јазли.

Научниците за првпат ги користеле само лимфоцитите Т, од поттипот CD4+, кои се клучни за имунолошкиот систем на човекот.

Научниците од организмот на пациентот ги изводиле лимфоцити Т, лабораториски ги клонирале 5.000 пати и потоа повторно ги инјектирале во организмот на пациентот, кој во моментот не користел никаква друга терапија. Два месеци подоцна пациентот веќе не боледувал од рак, што е утврдено со примена на скенер и томографија.
Доктор Касиен Ли, кој работел на студијата, вели дека цели две години по спроведувањето на истражувањето пациентот нема никакви симптоми на болеста и оти ракот не се вратил повторно.

Доколку се потврди ефикасноста на терапијата, ваквиот вид на лекување би можел да се користи кај 25 отсто од тешките случаите на меланом, кој претставува еден од најтешките видови на рак на кожа. Меланомот најмногу ја зафаќа кожата, но може да ги зафати и очите и стомачните органи. Во светот секоја година се регистрираат 160.000 илјади на заболени од меланом. Овој облик на рак е чест кај  мажите белци кои живеат во топли и сончеви предели. Според статистиката на Светската здравствена организација, од меланом годишно умираат по 48.000 лица.

(Д.Т)