Со цел да го избегнат пренесувањето на болеста на следното поколение, двојката се одлучила за вештачко оплодување. Секој од 11-те ембриони бил тестиран за BRCA-1, генот кој го предизвикува ракот на дојка.

Причината за ваквата одлука била анализата на генетскиот материјал на таткото кој покажал дека и тој е носител на проблематичниот ген. Доколку двојката се одлучила за зачнување по природен пат, нивната ќерка ќе има има за 50 отсто поголеми шанси да заболи од рак на дојка.

Од вкупно 11 ембриони колку што се направени при процесот на IVF, само пет не го носеле генот. Два ембриона од нив се имплантирани во матката на мајката.

Дваесет и седумгодишната мајка, чие име се уште не се соопштува веќе е во 14-та недела од бременоста.

„Доколку имам ќерка и се разболи, нема да можам да кажам дека не сум се потрудила да направам се за да ја спречам болеста“, вели трудницата.

Доктор Пол Серхал од универзитетскиот колеџ во Лондон вели дека родителите не можеле да се помират со фактот дека нивното идно дете би можело да се разболи поради нивните лоши гени.

„Родителите рекоа дека нема да може да ја одбегнат вината доколку не се потрудат да направат се за да го заштитат своето бебе“, изјави Серхал.

Досега само една жена од Израел забременила на овој начин.

(Д.Т)